धितोपत्र बोर्डको अध्यक्ष सिफारिस गर्न समिति गठन, को बन्ला नयाँ अध्यक्ष ?

समितिको सदस्यमा अर्थ मन्त्रालयका सचिव डा. कृष्णहरि पुष्कर र व्यवस्थापनका प्राध्यापक उदय निरौलालाई नियुक्त गरिएको छ । पुस २० गते तत्कालीन अध्यक्ष रमेश हमालको पदावधि सकिएपछि बोर्ड अहिले नेतृत्व विहीन छ ।

धितोपत्रबजारको नियमन गर्ने बोर्डको कार्यकारी भूमिका हुने अध्यक्षको कार्यकाल सकिनुअगाडि नै नयाँ अध्यक्ष नियुक्ति गर्ने प्रक्रिया अगाडि बढाउनुपर्ने हो । तर, अध्यक्ष रिक्त भएको १५ दिनपछि मात्रै सरकारले सिफारिस समिति गठन गरेको हो ।

सरकारले नयाँ अध्यक्ष नियुक्तिको प्रक्रिया थालेसंगै अहिले विभिन्न व्यक्तिहरु अध्यक्ष बन्ने कसरतमा विभिन्न शक्ति केन्द्रहरु धाउन थालेका छन् । हमालले सुरु गरेको नयाँ स्टक एक्सचेन्ज र कमोडिटि मार्केटको लाईसेन्स वितरण प्रक्रिया पुरा गराउनलाई पनि केहि समूहले आफु अनुकुल व्यक्तिलाई अध्यक्षमा ल्याउन कसरतरत छन् ।