चन्द्रागिरी हिल्सको नाफामा उछाल

अर्थकागज
प्रकाशित: ३० साउन २०८०
Image description

चन्द्रागिरी हिल्स लिमिटेडको नाफामा उछाल आएको छ । गत आर्थिक वर्षको चौथो त्रैमाससम्मको अपरिष्कृत वित्तीय विवरण अनुसार पर्यटकहरुको आगमनमा उल्लेख्य सुधार भएपछि कम्पनीको खुद नाफा उछाल आएको हो ।

समिक्षा अवधिमा कम्पनीले १५ करोड ११ लाख रुपैयाँ खुद नाफा आर्जन गरेको छ जुन अघिल्लो आर्थिक वर्षको सोही अवधिको तुलनामा ७९६.४१ प्रतिशत बढी हो। अघिल्लो आर्थिक वर्षको सोही अवधिसम्ममा कम्पनीले १ करोड ६८ लाख रुपैयाँ मात्र खुद नाफा आर्जन गरेको थियो।

नाफामा ब्यापक बृद्धिसंगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी ८ रुपैयाँ ७५ पैसा बढेर ९ रुपैयाँ ८५ पैसा पुगेको छ। असार मसान्तसम्ममा कम्पनीको प्रतिशेयर नेटवर्थ ८४ रुपैयाँ ७२ पैसा रहेको छ भने मूल्य आम्दानी अनुपात २४६.६३ गुणा रहेको छ।


प्रतिक्रियाहरू

सम्बन्धित खबर