डलरको मूल्यमा फेरि नयाँ रेकर्ड, कति पुग्यो?

काठमाडौं । अमेरिकी डलरले निरन्तर दोस्रो दिन नयाँ रेकर्ड बनाएको छ। अघिल्लो दिन अर्थात मंगलबार १३८ रुपैयाँ ८३ पैसा (बिक्रीदर) पुगेर रेकर्ड बनाएको डलरको मूल्यले यस दिन सो रेकर्डलाई तोडेर नयाँ रेकर्ड बनाएको हो। नेपाल राष्ट्र बैंकले आजको लागि अमेरिकी डलरको बिक्रीदर १३८ रुपैयाँ ९२ पैसा तोकेको छ भने खरिददर १३८ रुपैयाँ ३२ पैसा तोकेको छ। त्यस्तै, यस दिन युरोपियन युरो एकको खरिददर एक सय ४१ रुपैयाँ ९० पैसा र बिक्रीदर एक सय ४२ रुपैयाँ ५२ पैसा, युके पाउन्ड स्ट्रलिङ एकको खरिददर एक सय ६८ रुपैयाँ ५६ पैसा र बिक्रीदर एक सय ६९ रुपैयाँ २९ पैसा, स्विस फ्र्याङ्क एकको खरिददर एक सय ५० रुपैयाँ ९८ पैसा र बिक्रीदर एक सय ५१ रुपैयाँ ६३ पैसा कायम गरिएको छ। अष्ट्रेलियन डलर एकको खरिददर ८५ रुपैयाँ ५३ पैसा र बिक्रीदर ८५ रुपैयाँ ९० पैसा, क्यानेडियन डलर एकको खरिददर ९६ रुपैयाँ १९ पैसा र बिक्रीदर ९६ रुपैयाँ ६१ पैसा, सिङ्गापुर डलर एकको खरिददर एक सय रुपैयाँ ०२ पैसा र बिक्रीदर एक सय एक रुपैयाँ ४५ पैसा निर्धारण गरिएको राष्ट्र बैंकले जनाएको छ।