मेरो माईक्रोफाईनान्सको नाफामा छलाङ, ११८६ प्रतिशतले बढ्यो संचालन मुनाफा
काठमाडौं । मेरो माईक्रोफाईनान्स लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासको अपरिष्कृत वित्तीय विवरण प्रकाशित गरेको छ । प्रकाशित वित्तिय विवरण अनुसार लघुवित्तको नाफामा उल्लेख्य बृद्धि देखिएको छ ।
समिक्षा अवधिमा लघुवित्तले १२ करोड ३८ लाख रुपैयाँ खुद नाफा आर्जन गरेको छ । यो नाफा गत आर्थिक वर्षको यसै अवधिको तुलनामा ८४६.३० प्रतिशतले बढि हो । लघुवित्तले गत आर्थिक वर्षको सोही अवधिसम्ममा १ करोड ३० लाख रुपैयाँ मात्र खुद नाफा कमाएको थियो।
यस अवधिमा लघुवित्तको खुद ब्याज आम्दानी पनि १५.५४ प्रतिशतले बढेको छ त्यस्तै लघुवित्तको खुद सञ्चालन आम्दानी ११८६.९२ प्रतिशतले बढेर १७ करोड ५८ लाख रुपैयाँ पुगेको छ । लघुवित्तको खराब कर्जा ९.१ प्रतिशतबाट घटेर ७.६१ प्रतिशत पुगेको छ ।
लघुवित्तको प्रतिशेयर आम्दानी १२ रुपैयाँ ५१ पैसा पुगेको छ भने प्रतिशेयर नेटवर्थ १५३ रुपैयाँ ७२ पैसा रहेको छ ।
प्रतिक्रियाहरू
Shares