कृषि तथा पशुपन्छी बीमा सम्बन्धी अन्तर्कृया कार्यक्रम सम्पन्न

नेपाल कृषि प्रधान देश भएकोले कृषकहरुको कृषि तथा पशुपन्छी बीमा गर्ने सन्दर्भमा आइपरेका समस्याहरुको वारेमा कम्पनीका कर्मचारीहरुले राखेकोभोगाईको वारेमा नेपाल बीमा प्राधिकरण र कृषि विभाग तथा पशुसेवा विभागका पदाधिकारीहरुले सो समस्या समाधानका उपायहरु प्रस्तुत गर्नु भएको थियो । कम्पनीका संचालक समितिका अध्यक्ष  रमेश कुमार निरौलाको अध्यक्षता र नेपाल बीमा प्राधिकरणका कार्यकारी निर्देशक सुशीलदेव सुवेदीको प्रमुख आतिथ्यतामा सम्पन्न उक्त अन्तर्कृया कार्यक्रममा प्रमुख कार्यकारी अधिकृत  अशोक कुमार खड्काले स्वागत मन्तब्य ब्यक्त गर्नु भएको थियो भने पशु सेवा विभागका महानिर्देशक डा. उमेश दाहाल, कृषि विभागका उपमहानिर्देशक ललन कुमार सिंह, पशु सेवा विभागका बरिष्ठ पशु विकास अधिकृत डा. सुरज गुरुङ र नेपाल बीमा प्राधिकरणका उपनिर्देशक निशा घिमिरेले कम्पनीबाट राखिएका विभिन्न जिज्ञासाहरुको जवाफ दिनु भएको थियो ।