बुद्धभूमि नेपाल हाइड्रोको नाफामा छलाङ्ग

कम्पनीले जारी गरेको विवरण अनुसार गत आर्थिक वर्षको चौथो त्रैमाससम्म आइपुग्दा कम्पनीले १ करोड ११ लाख १३ हजार रूपैयाँ खुद नाफा आर्जन गर्न सफल भएको छ । गत आर्थिक वर्षको सोही अवधिमा कम्पनीले १ करोड ४६ लाख ४० हजार रुपैयाँ घाटा व्यहोरेको थियो ।

समिक्षा अवधिसम्म कम्पनीले विद्युत बिक्रीबाट १६ करोड ४४ लाख ८५ हजार रुपैयाँ आम्दानी गरेको छ । गत आर्थिक वर्षको यसै अवधिमा कम्पनीले विद्युत बिक्रीबाट १ करोड ३६ लाख १४ हजार रुपैयाँ मात्रै आम्दानी गरेको थियो । जुन अघिल्लो वर्षको यही अवधिको तुलनामा ११०८.२० प्रतिशतले बढी हो ।

कम्पनीको जगेडा कोष भने ४ करोड ९२ लाख ३७ हजार रुपैयाँ ऋणात्मक छ । कम्पनीको प्रतिसेयर आम्दानी (ईपीएस) २ रुपैयाँ ७८ पैसा रहेको छ । प्रतिसेयर नेटवर्थ कम्पनीको प्रतिसेयर नेटवर्थ ९१ रुपैयाँ ०२ पैसा रहेको छ । कम्पनीको चुक्ता पूँजी ४० करोड रुपैयाँ रहेको छ । कम्पनीले ५ मेगावाट क्षमताको तल्लो ताडी खोला जलविद्युत आयोजना संचालन गरिहेको छ ।