शिवम् सिमेन्ट्सको नाफामा २०० प्रतिशत बढिको उछाल

समिक्षा अवधिमा कम्पनीले ७९ करोड ४१ लाख रुपैयाँ खुद नाफा आर्जन गरेको छ जुन अघिल्लो आर्थिक वर्षको सोही अवधिको तुलनामा २०५.८५ प्रतिशत बढि हो। अघिल्लो आर्थिक वर्षको सोही अवधिसम्ममा कम्पनीले २५ करोड ९६ लाख रुपैयाँ खुद मुनानाफा आर्जन गरेको थियो।

समिक्षा अवधिमा सिमेन्टले ७ अर्ब ७६ करोड रुपैयाँ सिमेन्ट बिक्रिबाट कमाएको छ जुन अघिल्लो आर्थिक बर्षको तुलनमा ०.७८ प्रतिशतले बढि हो । सिमेन्ट बिक्रि खर्च, वित्तिय खर्च खट्दा मुनाफामा बृद्धि देखिएको हो ।

नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको इपिएस बढेर १४ रुपैयाँ ५५ पैसा पुगेको छ। असार मसान्तसम्ममा कम्पनीको प्रतिशेयर नेटवर्थ १८८ रुपैयाँ ५७ पैसा रहेको छ भने प्रति सेयर कुल सम्पतीको मूल्य २३०.८७ रुपैयाँ रहेको छ।