कुमारी बैंकको नाफामा ४५ हजार ८२९ प्रतिशतको छलाङ्ग

अघिल्लो आर्थिक वर्षको खुद नाफा ४६ लाख रुपियाँ मात्र देखाइएका कारण बैंकको नाफा ४५ हजार ८२९ प्रतिशत बढेको देखिएको हो । यद्यपि, गत आर्थिक वर्ष प्रकाशित बैंकको वित्तीय विवरण अनुसार अघिल्लो आर्थिक वर्षको अन्त्य अर्थात् २०८१ असार मसान्तसम्ममा बैंकको खुद नाफा २ अर्ब ३० करोड रुपियाँ थियो ।

त्यसैगरी बैंको खुद ब्याज आम्दानी ६.९५ प्रतिशतले बढेर ११ अर्ब ५५ करोड रुपियाँ पुगेको छ । कुल सञ्चालन आम्दानी पनि ११ प्रतिशतले बढेर १५ अर्ब १३ करोड रुपियाँ पुगेको छ।

गत आवको अन्त्यसम्म बैंकको सञ्चालन नाफा ५२९.८७ प्रतिशतले बढेर ६ अर्ब १३ करोड रुपियाँ पुगेको छ ।

समीक्षा अवधिमा बैंकको प्रतिशेयर आम्दानी पनि ०.०२ रुपियाँबाट बढेर ८.०७ रुपैयाँ पुगेको छ भने प्रतिशेयर नेटवर्थ १४२.१९ रुपियाँ रहेको छ । त्यस्तै, खराब कर्जा (एनपीएल) ५.९६ प्रतिशतबाट बढेर ६.६२ प्रतिशत पुगेको छ । २६ अर्ब २२ करोड चुक्ता पुँजी रहेको बैंकको जगेडा कोषमा ११ अर्ब रुपैयाँ र रिजर्भमा १३ अर्ब ८५ करोड रुपैयाँ रहेको छ ।