काठमाडौं महानगरभित्रका सबै सार्वजनिक शौचालय अब निःशुल्क

काठमाडौँ महानगरपालिका क्षेत्रभित्र सार्वजनिक उपयोगमा रहने गरी निर्माण गरिएका तथा सञ्चालनमा रहेका सार्वजनिक शौचालयहरूमा सेवाग्राहीसँग कुनै शुल्क नलिने व्यवस्था गर्ने तयारी महानगरले गरेको हो ।

काठमाडौँ महानगरपालिकाले हाल संचालनमा रहेका सार्वजनिक शौचालयहरूका लागि आवश्यकता अनुसार जनशक्ति, सामग्री, मर्मतसम्भार र सरसफाई सहयोग उपलब्ध गराउने भएकाले सेवाग्राहीसँग शुल्क लिई सञ्चालन गरिरहेका सार्वजनिक शौचालयका सञ्चालक र व्यवस्थापकहरूले यो सूचना प्रकाशित भएको मितिले १५ दिनभित्र महानगरपालिकाको सार्वजनिक निजी साझेदारी एकाइमा लिखित प्रस्ताव पेस गर्नुहुन अनुरोध गरेको छ ।

तोकिएको समयावधिपश्चात् महानगरपालिका क्षेत्रभित्रका सबै सार्वजनिक शौचालयहरू निःशुल्क सञ्चालन ्र गर्नुपर्नेछ । सूचना विपरीत सार्वजनिक शौचालयको प्रयोग बापत कुनै प्रकारको शुल्क असुल गरेमा प्रचलित कानुन बमोजिम कारबाही गरिनेछ । साथै, कुनै सरकारी निकाय, गैरसरकारी संस्था वा निजी क्षेत्रबाट आफ्नो परिसरभित्र वा बाहिर सार्वजनिक शौचालय सञ्चालन गरिरहेको हकमा समेत निःशुल्क शौचालय ्सेवा उपलब्ध गराउनुहुन यसै सूचना मार्फत अनुरोध गरिन्छ । महानगरद्धारा जारी सूचनामा भनिएको छ ।

महानगरले प्रकाशित गरेको सूचनाः