सगरमाथा लुम्बिनी इन्सुरेन्सले बोलायो साधारण सभा, नयाँ संचालकको निर्वाचनदेखि लाभांश पारितको प्रस्ताव

काठमाडौं । सगरमाथा लुम्बिनी इन्सुरेन्सले वार्षिक साधारणसभा बोलाएको छ । कम्पनीले चैत २७ गते अमृतभोग कालिकास्थान, काठमाडौंमा बिहान ११ बजे साधारणसभा बोलाएको हो । सभाले ५ प्रतिशत नगद लाभांश दिने प्रस्ताव पारित गर्नेछ । साधारण सभामा कम्पनीको आर्थिक वर्ष २०७९–८० को वार्षिक प्रतिवेदन, नाफा–नोक्सान तथा नगद प्रवाह विषयमा पनि छलफल हुनेछ । आर्थिक वर्ष २०८०–८१ का लागि लेखापरीक्षक नियुक्ति गर्ने र निजको पारिश्रमिक निर्धारण गर्ने अर्को एजेन्डा पनि छ ।साथै, साभले संस्थापकबाट ४ र सर्वसाधारणबाट २ जना सञ्चालक निर्वाचित गर्नेछ । साधारण सभा तथा लाभांश वितरण प्रयोजनका लागि कम्पनीले चैत १३ गते बुक क्लोज गर्ने भएको छ । सभामा भाग लिन चैत १२ गतेसम्म सेयरधनी कायम हुनु पर्नेछ ।