चर्चित सेयर प्राविधिक विश्लेषक सन्दिप कुमार चौधरीसहित ठगी मुद्धामा ३ पक्राउ
प्रकाशित:
२५ साउन २०८०
काठमाडौं । सेयर मार्केटका प्राविधिक विश्लेषक सन्दीप कुमार चौधरी ठगी गरेको अभियोगमा पक्राउ परेका छन् ।
बैदेशिक रोजगारीको लागि फ्रान्स पठाइदिन्छु भन्दै २ लाख ५५ हजार रुपैयाँ ठगी गरेको अभियोगमा चौधरीसहित ३ जनालाई प्रहरीले पक्राउ गरेको हो ।
चौधरीसँगै धादिङ घर भएका ४५ बर्षिय शालिकराम अर्याल र गोरखा घर भएकी ५० वर्षीय एक माया पुलामी मगर पनि पक्राउ परेका हुन् । तीनै जनालाई थप अनुसन्धान तथा कारवाहीको लागि बैदेशिक रोजगार विभाग ताहाचल पठाइएको थियो ।
बैदेशिक रोजगार विभागमा परेको उजुरीका आधारमा विभागले प्रहरीलाई पत्राचार गरेपछि काठमाडौं उपत्यका अपराध अनुसन्धान कार्यालयको टोलीले उनीहरुलाई पक्राउ गरेको हो । प्रहरीले सामान्य सोधपुछपछिआफूहरु घर फर्किसकेको सन्दिप चौधरीले फेसबुक मार्फत जानकारी दिएका छन् ।
प्रतिक्रियाहरू
लोकप्रिय समाचार
सम्बन्धित खबर
Shares