'सेयरधनीमारा' प्राइम कमर्सियल बैंकले कर्मचारीलाई ७६ करोड बाँड्यो, संचालकहरुले कुम्ल्याए लाखौं लाख !

यस आर्थिक वर्षमा बैंकको बोनस समेत कर्मचारी खर्च २ अर्ब ४ करोड ७४ लाख ३२ हजार ७१ रुपैयाँ खर्च गरेको छ । अन्य बाणिज्य बैंकको तुलनामा धेरै हो । यस यस आर्थिक वर्षमा बैंकका संचालकहरुलेपनि राम्रै रकम गोजीमा हालेका छन् । संचालकहरुले फि भनेर ३५ लाख ५५ हजार रुपैयाँ र खर्च भनेर २१ लख ९५ हजार ९५३ रुपैयाँ गोजीमा हालेका छन् । संचालकहरुको खर्च पनि अन्य बैंकको तुलनमा धेरै नै बढी भएको सेयरधनीहरुले बार्षिक साधारणसभा पनि उठाएका थिए ।  बैंकले यस आर्थिक वर्षमा सिईओ संजीव मानन्धरलाई तलव भत्ता गरी १ करोड ५५ लाख ७७ हजार ८७ रुपैयाँ खर्च गरेको छ ।

बैंकको संचालक समितिको अध्यक्ष राजेन्द्र दास श्रेष्ठ र सिईओ संजीव मानन्धरको मिलोमतोमा बैंकमा लुटतन्त्र मच्चाएको बैंकका कर्मचारीहरु बताउँछन् । यता,  बैंक पछिल्लो समय गम्भीर वित्तीय र व्यवस्थापकीय समस्यामा फसेको संकेत देखिएको छ । विशेषतः बैंकको निष्क्रिय कर्जामा उच्च वृद्धि देखिएको छ । यसले बैंकले प्रवाह गरेका कर्जाको गुणस्तरमा गम्भीर कमजोरी देखिएको पुष्टि गर्छ ।

कर्जाको असुली दर घट्नु, परियोजना छनोट र स्वीकृतिमा निष्पक्षता नहुनु, र ठूला पहुँचवालाहरूलाई प्राथमिकता दिनुजस्ता कारक तत्वहरू यस अवस्थाको मूल कारणका रूपमा देखिन्छन् ।

बैंकले हालसम्म कराडौँ रकम कर्जा नोक्सानी प्रावधान छुट्याउनुपरेको छ, जसले झनै स्पष्ट गर्छ कि जोखिम व्यवस्थापन प्रणाली कमजोर हुँदै गएको छ । बैंकले स्टेशनरीमा समेत करोडौं रकम अपचलन गरेको देखिएको छ ।

यो पनि 

प्राइम कमर्सियल बैंकमा अध्यक्ष राजेन्द्र र सिईओ संजीव मानन्धरको अन्य शिर्षकको नाममा लुटतन्त्र, स्टेशनरी खर्च मात्रै ४ करोड !