सेयरधनीलाई लाभांश नदिएको प्रभु बैंकको भ्रमण खर्च १ करोड ६८ लाख, मनोरञ्जन खर्च कति ?

काठमाडौं । प्रभु बैंकको प्रमुख कार्यकारी अधिकृत (सिईओ) अशोक शेरचन लगायत अन्य उच्च व्यवस्थापनका पदाधिकारीहरुलाई रमाईलो बढी गर्ने भएपछि बैंकको भ्रमण खर्च र मनोरञ्जन खर्च बढेको छ । बैंकले खर्च गरिदिने भएपछि सिईओ र अन्य उच्च पदाधिकारीहरु खुलेरै घुमफिर गरेको देखिन्छ । बैंकको आर्थिक वर्ष २०८० ८१ को बार्षिक प्रतिवेदन हेर्दा यो आर्थिक वर्षमा बैंकले भ्रमण १ करोड ६७ लाख ९४ लाख ३२२ रुपैयाँ खर्च गरेको छ । बैंक गत आर्थिक वर्ष २०७९ ८० मा १ करोड ५६ लाख ४० लाख २६९ रुपैयाँ गरेको थियो । जुन गत वर्ष यो आर्थिक वर्षमा ११ लाख ५४ हजार ५३ रुपैयाँले बढेको हो । झट्ट हेर्दा नेपाली फिल्मका हिरो जस्तो देखिने ह्यान्डसम सिईओ शेरचनलाई अरु बैंकको सिइओको तुलनामा अलि धेरै घुमफिर र मनोरञ्जन गर्ने सिईओ भएको बैंकिङ्ग बृत्तमा हिजोदेखि नै चर्चा हुँदै आएको छ । प्रभु बैंकको भ्रमण खर्चलाई लिएर सेयरधनीहरुले चर्काे विरोध समेत गरेका छन् । एक बर्षमा झण्डै २ करोडको कहाँ कहाँ घुमे होला ? सेयरधनी स्याम बहादुर श्रेष्ठले प्रश्न गरे ।