चन्द्र ढकालले दिए ग्लोबल आइएमई बैंकका सेयरधनीलाई धोका

काठमाडौं । नेपाल उद्योग वाणिज्य महासंघको अध्यक्ष एवम् ग्लोबल आइएमई बैंकका संचालक समितिका अध्यक्ष चन्द्र ढकालले सेयरधनीलाई धोका दिएका छन् । ढकालले ग्लोबल आइएमई बैंकका सेयरधनीमाथि लाभांशमा धोका दिएका हुन् । गत आर्थिक वर्ष २०७९/८० मा साधारणसभा हलमा सेयरधनीलाई २० प्रतिशत लाभांश दिने बचन प्रतिवद्धता गरेका थिए । बैंकको गत वर्ष मंसिर २८ गते १७ औँ वार्षिक साधारणसभा नेपाल प्रज्ञा प्रतिष्ठान, कमलादीमा गरेको थियो । बैंकले यस आर्थिक वर्ष २०८०/ ८१ मा ५.५० प्रतिशत लाभांश दिएपछि चन्द्र ढकालको बोलीको विश्वास गुमेको छ । चन्द्र ढकाल जस्तो व्यक्तिले सेयरधनीलाई उल्लु बनाएपछि पव्लिक कम्पनीको विश्वास गुम्दै गएको सेयरधनी नरेन्द्रमान श्रेष्ठले बताए । चन्द्र ढकालले गत वर्ष आफ्नो अनुकुलको प्रस्तावहरु पारित गराउन सेयरधनीलाई यस आर्थिक वर्षमा २० प्रतिशत लाभांश दिने झुटा कुरा गरेर धोका दिएको सेयरधनी श्रेष्ठले आरोप लगाएका छन् । गत वर्षको साधारणसभामा संचालक समितिको तलव भत्ता लगाएको सेवा सुविधामा ह्वात्तै बढाउने प्रस्ताव बैंकले अघि सारेको थिए । सेयरधनीहरुले सभाहलमा संचालक समितिको तलव भत्ताको विरोध भएको थियो । । तलव भत्ताको विरोध भएपछि बैंकका अध्यक्ष चन्द्र ढकालले सभा हललाई सम्बोधनमा आर्थिक वर्ष २०८०/ ८१ म २० प्रतिशत लाभांश दिने सेयरधनीलाई प्रतिवद्धता गरेसँगै तलव भत्ता लगायतको सेवा सुविधाको प्रस्ताव पारित गर्न सेयरधनीहरु मानेका थिए । गत वर्षको साधारणसभाबाट समयानुकुल भन्दै संचालक समितिको बैठक भत्ता अध्यक्षलाई प्रति बैठक भत्ता १७ हजारबाट प्रति बैठक भत्ता ३० हजार रुपैयाँ र संचालकहरुलाई प्रति बैठक भत्ता १५ हजार रुपैयाँबाट प्रति बैठक भत्ता २५ हजार रुपैयाँ बढाइएको थियो । त्यसै गरी  संचालकहरुलाई यातायात सञ्चार तथा पत्रपत्रिका सुबिधा भत्ता बापत मासिक १० हजार प्रदान गरिदै आएकोमा बढाएर मासिक ५० हजार रुपैयाँ पुर्याइएको थियो ।